ಅಜಂತಾ ನಿಯೋಗ್

ಅಜಂತಾ ನಿಯೋಗ್
೨೦೨೦ ರಲ್ಲಿ ನಿಯೋಗ್
ಹಣಕಾಸು ಮತ್ತು ಸಮಾಜ ಕಲ್ಯಾಣ ಸಚಿವರು, ಅಸ್ಸಾಂ ಸರ್ಕಾರ
Incumbent
Assumed office ೧೦ ಮೇ ೨೦೨೧
ಮುಖ್ಯ ಮಂತ್ರಿ	ಹಿಮಂತ ಬಿಸ್ವಾ ಶರ್ಮಾ
Preceded by	ಹಿಮಂತ ಬಿಸ್ವಾ ಶರ್ಮಾ
ಅಸ್ಸಾಂ ವಿಧಾನಸಭೆಯ ಸದಸ್ಯ
Incumbent
Assumed office ೩ ಮೇ ೨೦೨೧
Preceded by	ಅವರೇ
In office ೨೦೦೧ – ೨೫ ಡಿಸೆಂಬರ್ ೨೦೨೦
Preceded by	ಅತುಲ್ ಬೋರಾ
Succeeded by	ಅವರೇ
Constituency	ಗೋಲಾಘಾಟ್
ಲೋಕೋಪಯೋಗಿ ಇಲಾಖೆ (ರಸ್ತೆಗಳು ಮತ್ತು ಕಟ್ಟಡಗಳು, ಎನ್‌ಎಚ್), ನಗರಾಭಿವೃದ್ಧಿ ಮತ್ತು ವಸತಿ ಸಚಿವರು
In office ೨೦೦೬ – ಮೇ ೨೦೧೬
ಮುಖ್ಯ ಮಂತ್ರಿ	ತರುಣ್ ಗೊಗೊಯ್
ಯೋಜನೆ ಮತ್ತು ಅಭಿವೃದ್ಧಿ, ನ್ಯಾಯಾಂಗ, ಶಾಸಕಾಂಗ, ಪಿಂಚಣಿ ಮತ್ತು ಸಾರ್ವಜನಿಕ ಕುಂದುಕೊರತೆಗಳ ಸಚಿವರು
In office ೨೩ ಜನವರಿ ೨೦೧೫ - ೨೦೧೬
ಮುಖ್ಯ ಮಂತ್ರಿ	ತರುಣ್ ಗೊಗೊಯ್
Preceded by	ಟಂಕಾ ಬಹದ್ದೂರ್ ರೈ
Personal details
Born	೧೯೬೪ ಗುವಾಹಟಿ, ಅಸ್ಸಾಂ, ಭಾರತ
Nationality	ಭಾರತೀಯರು
Political party	ಭಾರತೀಯ ಜನತಾ ಪಕ್ಷ
Spouse	ನಾಗೆನ್ ನಿಯೋಗ್ - d.
Children	೨ ಪುತ್ರರು
Parent(s)	ಸಸಾಧರ್ ದಾಸ್ (ತಂದೆ) ರೆಬತಿ ದಾಸ್ (ತಾಯಿ)
Residence	ದಿಸ್ಪುರಾ
Alma mater	ಗುವಾಹಟಿ ವಿಶ್ವವಿದ್ಯಾಲಯ ಮತ್ತು ಎಲ್‌ಎಲ್‌ಬಿ, ಎಲ್‌ಎಲ್‌ಎಂ ನಿಂದ ಎಂ. ಎ
Occupation	ರಾಜಕಾರಣಿ

ಅಜಂತಾ ನಿಯೋಗ್ (ಜನನ ೧೯೬೪) ಒಬ್ಬ ಭಾರತೀಯ ರಾಜಕಾರಣಿಯಾಗಿದ್ದು ಅವರು ಪ್ರಸ್ತುತ ಅಸ್ಸಾಂ ಸರ್ಕಾರದಲ್ಲಿ ಹಣಕಾಸು ಮತ್ತು ಸಮಾಜ ಕಲ್ಯಾಣ ಸಚಿವರಾಗಿದ್ದಾರೆ. ಅವರು ಅಸ್ಸಾಂನ ಮೊದಲ ಮಹಿಳಾ ಹಣಕಾಸು ಸಚಿವರಾಗಿದ್ದಾರೆ. ಅವರು ೨೦೦೧ ರಿಂದ ಕಳೆದ ಐದು ಅವಧಿಗಳಿಂದ ಸತತವಾಗಿ ಗೋಲಘಾಟ್ ಅಸೆಂಬ್ಲಿ ಸ್ಥಾನವನ್ನು ಪ್ರತಿನಿಧಿಸುತ್ತಿದ್ದಾರೆ. ಅಸ್ಸಾಂನಿಂದ ಅತಿ ಹೆಚ್ಚು ಕಾಲ ಸೇವೆ ಸಲ್ಲಿಸಿದ ಮಹಿಳಾ ಶಾಸಕಿ ಎಂಬ ದಾಖಲೆಯನ್ನೂ ಅವರು ಹೊಂದಿದ್ದಾರೆ.

ಅವರು ತಮ್ಮ ಶಾಸಕ ಸ್ಥಾನಕ್ಕೆ ರಾಜೀನಾಮೆ ನೀಡಿದ ನಂತರ, ಭಾರತೀಯ ಜನತಾ ಪಕ್ಷದ ಸದಸ್ಯರಾಗಿದ್ದಾರೆ.

ಆರಂಭಿಕ ಜೀವನ ಮತ್ತು ಶಿಕ್ಷಣ

ಅಜಂತಾ ನಿಯೋಗ್ ಗುವಾಹಟಿಯಲ್ಲಿ ದಿವಂಗತ ಸಸಾಧರ್ ದಾಸ್ ಮತ್ತು ದಿವಂಗತ ರೆಬಾಟಿ ದಾಸ್‌ಗೆ ಜನಿಸಿದರು. ಅವರ ತಾಯಿ ರೆಬಾತಿ ದಾಸ್ ಜಲುಕ್ಬರಿಯ ಅಸ್ಸಾಂ ವಿಧಾನಸಭೆಯ ಮಾಜಿ ಸದಸ್ಯರಾಗಿದ್ದರು. ಅವರು ಗೌಹಾಟಿ ವಿಶ್ವವಿದ್ಯಾನಿಲಯದಿಂದ ಎಂಎಮ್, ಎಲ್‌ಎಲ್‌ಬಿ ಮತ್ತು ಎಲ್‌ಎಲ್‌ಎಂ ಅನ್ನು ಪಡೆದುಕೊಂಡಿದ್ದಾರೆ ಅವರು ಹ್ಯಾಂಡಿಕ್ ಗರ್ಲ್ಸ್ ಕಾಲೇಜಿನ ಹಳೆಯ ವಿದ್ಯಾರ್ಥಿನಿಯಾಗಿದ್ದಾರೆ. ತಮ್ಮ ಪದವಿಗಳನ್ನು ಪೂರ್ಣಗೊಳಿಸಿದ ನಂತರ ಅವರು ಕೆಲವು ವರ್ಷಗಳ ಕಾಲ ಗೌಹಾಟಿ ಹೈಕೋರ್ಟ್‌ನಲ್ಲಿ ವಕೀಲರಾಗಿ ವಕೀಲ ವೃತ್ತಿಯನ್ನು ಅಭ್ಯಾಸ ಮಾಡಿದರು.

ಭಾರತೀಯ ರಾಷ್ಟ್ರೀಯ ಕಾಂಗ್ರೆಸ್

ಅವರು ಮೊದಲು ೨೦೦೧ ರ ಚುನಾವಣೆಯಲ್ಲಿ ತಮ್ಮ ಸಮೀಪದ ಪ್ರತಿಸ್ಪರ್ಧಿಯನ್ನು ೧೦೦೦೦ ಮತಗಳಿಂದ ಸೋಲಿಸುವ ಮೂಲಕ ವಿಧಾನಸಭೆ ಪ್ರವೇಶಿಸಿದರು. ನಂತರ ೨೦೦೬ರಲ್ಲಿ ನಡೆದ ಚುನಾವಣೆಯಲ್ಲಿ ಮತ್ತೊಮ್ಮೆ ಜಯಭೇರಿ ಬಾರಿಸಿದರು. ೨೦೧೧ರ ವಿಧಾನಸಭಾ ಚುನಾವಣೆಯಲ್ಲಿ ಅವರು ೪೬೧೭೧ ಮತಗಳ ಅಂತರದಿಂದ ಗೆದ್ದಿದ್ದರು. ಅಸ್ಸಾಂನಲ್ಲಿ ಬಿಜೆಪಿ ಅಲೆಯ ನಡುವೆಯೂ ಅವರು ೨೦೧೬ರ ವಿಧಾನಸಭಾ ಚುನಾವಣೆಯಲ್ಲಿ ಸತತವಾಗಿ ಗೆದ್ದರು ಮತ್ತು ಅಲ್ಲಿ ಬಹುಪಾಲು ಕಾಂಗ್ರೆಸ್ ಅಭ್ಯರ್ಥಿಗಳು ಸೋತರು. ಅವರು ಲೋಕೋಪಯೋಗಿ ಇಲಾಖೆ (ರಸ್ತೆಗಳು ಮತ್ತು ಕಟ್ಟಡಗಳು ಎನ್‌ಎಚ್) ನಗರಾಭಿವೃದ್ಧಿ ಮತ್ತು ವಸತಿ ಸಚಿವ ಸ್ಥಾನವನ್ನು ಹೊಂದಿದ್ದರು ಮತ್ತು ಕಳೆದ ಮೂರು ಕ್ಯಾಬಿನೆಟ್‌ಗಳಲ್ಲಿದ್ದರು.

ಅವರಿಗೆ ೨೦೧೫ ರಲ್ಲಿ ಯೋಜನೆ ಮತ್ತು ಅಭಿವೃದ್ಧಿ ನ್ಯಾಯಾಂಗ ಶಾಸಕಾಂಗ ಪಿಂಚಣಿ ಮತ್ತು ಸಾರ್ವಜನಿಕ ಕುಂದುಕೊರತೆಗಳ ಸಚಿವರ ಹೆಚ್ಚುವರಿ ಜವಾಬ್ದಾರಿಯನ್ನು ನೀಡಲಾಯಿತು. ಯುನೈಟೆಡ್ ಚೇಂಬರ್ ಆಫ್ ಕಾಮರ್ಸ್ ಗೋಲಾಘಾಟ್ ನಿಂದ ಆಕೆಗೆ ಗೋಲಾಘಾಟ್ ರತ್ನ ಪ್ರಶಸ್ತಿಯನ್ನು ನೀಡಿ ಗೌರವಿಸಲಾಯಿತು. ಪಿ‌ಡಬ್ಲೂ‌ಡಿ ಸಚಿವರಾಗಿದ್ದ ಅವಧಿಯಲ್ಲಿ ಅಸ್ಸಾಂ ಮೂಲಸೌಕರ್ಯ ಅಭಿವೃದ್ಧಿಯಲ್ಲಿ ಭಾರಿ ಯಶಸ್ಸನ್ನು ಸಾಧಿಸಿತು. ೬ ನವೆಂಬರ್ ೨೦೧೫ ರಂದು ಇಂಡಿಯಾ ಟುಡೇ ಗ್ರೂಪ್ ನಡೆಸಿದ ೧೩ನೇ ರಾಜ್ಯಗಳ ಕಾನ್ಕ್ಲೇವ್‌ನಲ್ಲಿ ಅಸ್ಸಾಂ ಅನ್ನು ದೊಡ್ಡ ರಾಜ್ಯ ವಿಭಾಗದಲ್ಲಿ ಅತ್ಯುತ್ತಮ ಮೂಲಸೌಕರ್ಯ ಅಭಿವೃದ್ಧಿ ರಾಜ್ಯ ಎಂದು ಗುರುತಿಸಲಾಯಿತು. ೨೦೧೧ ರಿಂದ ೨೦೧೩-೧೪ ರವರೆಗೆ ಪಕ್ಕಾ ರಸ್ತೆಯ ಉದ್ದದಲ್ಲಿ ೧೭ ಪ್ರತಿಶತದಷ್ಟು ಹೆಚ್ಚಳವನ್ನು ದಾಖಲಿಸಿದ ಕಾರಣ ಅಸ್ಸಾಂ ಅನ್ನು ಮೂಲಸೌಕರ್ಯ ಅಭಿವೃದ್ಧಿಯಲ್ಲಿ ಅತ್ಯುತ್ತಮ ರಾಜ್ಯವೆಂದು ಪರಿಗಣಿಸಲಾಯಿತು ಆದರೆ ಅದೇ ಅವಧಿಯಲ್ಲಿ ರಾಷ್ಟ್ರೀಯ ಸರಾಸರಿ ನಾಲ್ಕು ಪ್ರತಿಶತವಾಗಿತ್ತು.

ಭಾರತೀಯ ಜನತಾ ಪಕ್ಷ

ಡಿಸೆಂಬರ್೨೦೨೦ ರಲ್ಲಿ ಅಜಂತಾ ನಿಯೋಗ್ ಮತ್ತು ರಾಜ್‌ದೀಪ್ ಗೋವಾಲಾ ಇಬ್ಬರೂ ಹಾಲಿ ಶಾಸಕರು ಭಾರತೀಯ ಜನತಾ ಪಕ್ಷಕ್ಕೆ ಸೇರಿದರು. ಇಬ್ಬರನ್ನೂ ಪಕ್ಷ ವಿರೋಧಿ ಚಟುವಟಿಕೆಗಳಿಗಾಗಿ ಭಾರತೀಯ ರಾಷ್ಟ್ರೀಯ ಕಾಂಗ್ರೆಸ್‌ನಿಂದ ಹೊರಹಾಕಲಾಯಿತು. ಅವರು ತಮ್ಮ ಹಿಂದಿನ ಪಕ್ಷದ ದೃಷ್ಟಿಕೋನ ಸರಿ ಇರಲಿಲ್ಲ ಎಂದು ದೂರಿದರು. ಕಾಂಗ್ರೆಸ್ ಪಕ್ಷ ಮತ್ತು ಎಐಯುಡಿಎಫ್‌ನ ಅಪವಿತ್ರ ಮೈತ್ರಿಯಿಂದ ಅಸ್ಸಾಂನ ಸ್ಥಳೀಯ ಜನರ ಹಿತಾಸಕ್ತಿಗಳನ್ನು ರಕ್ಷಿಸಲು ತಾನು ಬಿಜೆಪಿಗೆ ಸೇರುತ್ತಿದ್ದೇನೆ ಎಂದು ಅವರು ಹೇಳಿದರು.

ಅವರು ತರುವಾಯ ೨೦೨೧ ರ ಅಸೆಂಬ್ಲಿ ಚುನಾವಣೆಯಲ್ಲಿ ಗೋಲಘಾಟ್ ಕ್ಷೇತ್ರದಿಂದ ಬಿಜೆಪಿ ಟಿಕೆಟ್‌ನಲ್ಲಿ ಕಾಂಗ್ರೆಸ್ ಪಕ್ಷದಿಂದ ತನ್ನ ಹತ್ತಿರದ ಪ್ರತಿಸ್ಪರ್ಧಿಯನ್ನು ಸೋಲಿಸಿದರು. ಈ ಗೆಲುವಿನೊಂದಿಗೆ ಅವರು ಗೋಲಘಾಟ್ ಎಲ್ಎ‌ಸಿ ನಿಂದ ಸತತವಾಗಿ ೫ ನೇ ಅವಧಿಗೆ ಶಾಸಕರಾದರು.[೧] ಅವರು ಹಿಮಂತ ಬಿಸ್ವಾ ಶರ್ಮಾ ಕ್ಯಾಬಿನೆಟ್‌ಗೆ ಹಣಕಾಸು ಸಚಿವರಾಗಿ ಸೇರ್ಪಡೆಗೊಂಡರು ಮತ್ತು ರಾಜ್ಯದ ಮೊದಲ ಮಹಿಳಾ ಹಣಕಾಸು ಸಚಿವೆ ಎಂಬ ಇತಿಹಾಸವನ್ನು ಸೃಷ್ಟಿಸಿದರು.

ವೈಯಕ್ತಿಕ ಜೀವನ

ಅಜಂತಾ ನಿಯೋಗ್ ಅವರು ಕರ್ಮಶ್ರೀ ನಾಗೇನ್ ನಿಯೋಗ್ ಅವರನ್ನು ವಿವಾಹವಾದರು. ಕರ್ಮಶ್ರೀ ನಾಗೇನ್ ನಿಯೋಗ್ ಅವರು ೧೯೯೬ ರಲ್ಲಿ ಯುನೈಟೆಡ್ ಲಿಬರೇಶನ್ ಫ್ರಂಟ್ ಆಫ್ ಅಸೋಮ್‌ನಿಂದ ಎಂಟು ಇತರರೊಂದಿಗೆ ಕೊಲ್ಲಲ್ಪಟ್ಟರು. ಅವರ ಪತಿ ಮಾಜಿ ಸಚಿವರಾಗಿದ್ದರು ಮತ್ತು ಚುಟಿಯಾ ಜನಾಂಗಕ್ಕೆ ಸೇರಿದವರು. ಅವರಿಗೆ ಇಬ್ಬರು ಗಂಡು ಮಕ್ಕಳಿದ್ದಾರೆ.