ಮಹಾಬಲ ಸೀತಾಳಭಾವಿ

ಮಹಾಬಲ ಸೀತಾಳಭಾವಿಯವರು ಉತ್ತರಕನ್ನಡದ ಸಿದ್ಧಾಪುರದಲ್ಲಿ ೧೯೮೩ರಲ್ಲಿ ಜನಿಸಿದರು. ಇವರು ಯುವ ಪತ್ರಕರ್ತರಾಗಿ, ವಿದ್ವಾಂಸರಾಗಿ ಪ್ರಸಿದ್ದರು. ಪ್ರಸ್ತುತ ಇವರು ಸಂಯುಕ್ತ ಕರ್ನಾಟಕ ಪತ್ರಿಕೆಯ ಪ್ರಧಾನ ಸಂಪಾದಕರಾಗಿದ್ದಾರೆ.

ಆರಂಭಿಕ ಜೀವನ

ಮಹಾಬಲ ಸೀತಾಳಭಾವಿಯವರ ತಂದೆಯ ಹೆಸರು ವಿಶ್ವೇಶ್ವರ ಭಟ್ ಸೀತಾಳಭಾವಿ. ಬಾಲ್ಯದಿಂದಲೂ ಅವರಿಗೆ ಸಿನಿಮಾ ಹಾಗೂ ಸಾಹಿತ್ಯ ವಿಚಾರಗಳಲ್ಲಿ ಆಸಕ್ತಿ ಇತ್ತು. ಇವರು ಸಂಸ್ಕೃತ ಹಾಗೂ ಆಂಗ್ಲ ಭಾಷೆಯ ಹಲವಾರು ಕೃತಿಗಳನ್ನು ಕನ್ನಡಕ್ಕೆ ಅನುವಾದಿಸಿದ್ದಾರೆ.

ಶಿಕ್ಷಣ

ಮಹಾಬಲ ಸೀತಾಳಭಾವಿಯವರು ತಮ್ಮ ಉನ್ನತ ವಿದ್ಯಾಬ್ಯಾಸವನ್ನು ಮೈಸೂರಿನಲ್ಲಿ ಪಡೆದರು. ಅವರು ಸಂಸ್ಕ್ರತ ತರ್ಕಶಾಸ್ತ್ರ ವಿದ್ವತ್,ಮಾಧ್ಯಮ ಹಾಗು ಪತ್ರಿಕೋದ್ಯಮದ ಸ್ನಾತಕೋತ್ತರ ಪದವಿ ಪಡೆದರು.

ವೃತ್ತಿ ಜೀವನ

ಉದಯ ಟಿವಿ, ಸುವರ್ಣ ನ್ಯೂಸ್ ವಾಹಿನಿಗಳಲ್ಲಿ ಹಾಗೂ ಉದಯವಾಣಿ ಮತ್ತು ಕನ್ನಡಪ್ರಭದಲ್ಲಿ ಕೆಲಸ ಮಾಡಿರುವ ಅವರು ಪ್ರಸ್ತುತ ಸಂಯುಕ್ತ ಕರ್ನಾಟಕ ದೈನಿಕದ ಪ್ರಧಾನ ಸಂಪಾದಕರಾಗಿದ್ದಾರೆ. ಇವರ ಪತ್ನಿ ರೇಖಾ, ಮಗಳು ಸುಷೀಮಾ, ಮಗ ಸುಷಿರ್. ಪ್ರಸ್ತುತ ಬೆಂಗಳೂರಿನಲ್ಲಿ ನೆಲೆಸಿದ್ದಾರೆ.

ಆಸಕ್ತಿಯ ಕ್ಷೇತ್ರಗಳು

• ಸಂಸ್ಕ್ರತ
• ಕನ್ನಡ
• ಆಂಗ್ಲ ಸಾಹಿತ್ಯ
• ವಿದೇಶಿ ಸಿನಿಮಾ

ಪ್ರವಾಸ

• ಛಾಯಗ್ರಹಣ

ಮುಖ್ಯ ಕೃತಿಗಳು

• ನಿತ್ಯಜೀವನಕ್ಕೆ ಹತ್ತಿರದ ಸುಭಾಷಿತಗಳು
• ನೂರೆಂಟು ಸುಭಾಷಿತಗಳು
• ಮ್ಯಾನೇಜ್ಮೆಂಟ್ ಭಗವದ್ಗೀತೆ
• ಚಾಣಕ್ಯನೀತಿ
• ಆಂಟನ್ ಚೆಕಾ‌ಫ್ ಕಥೆಗಳು
• ಲೋಕಪಾಲ: ಯಾಕಿಷ್ಟು ಗೊಂದಲ
• ನಾಯಕತ್ವದ ದಾರಿ ಪಂಚತಂತ್ರದ ಮಾದರಿ
• ಚಾಟು ಕವಿತೆಗೆ ಚುಟುಕು ಕತೆ
• ವಾರನ್ ಬಫೆಟ್
• ವಂದನಾಶಿವ
• ಸುಂದರಲಾಲ ಬಹುಗುಣ
• ೧೦೮ ಹಳೆ ಆಚಾರ ಹೊಸ ವಿಚಾರ
• ಮ್ಯಾನೇಜ್ಮೆಂಟ್ ಕತೆಗಳು
• ಈ ತಪ್ಪು ನೀವು ಮಾಡಬೇಡಿ
• ವಿದ್ಯಾರ್ಥಿ ವಿಜಯ
• ಇಂಟರ್ನೆಟ್ ಕಥೆಗಳು

ಅನುವಾದಿಸಿದ ಕೃತಿಗಳು

• ಪ್ರಿಯಂವದೆಯ ಸ್ವಗತ ಹಿಂದಿಗೆ ಅನುವಾದಗೊಂಡಿದೆ
• ಆಂಟನ್ ಚೆಕಾ‌ಫ್ ಕಥೆಗಳು
• ಭಾಸನ ಐದು ನಾಟಕಗಳು
• ಅಭಿಜ್ಞಾನ ಶಾಕುಂತಲ
• ಕಾಳಿದಾಸನ ಮೇಘದೂತ
• ಸಂಪೂರ್ಣ ಚಾಣಕ್ಯ ನೀತಿ ಮತ್ತು ಅರ್ಥಸಂಗ್ರಹ

ಪ್ರಶಸ್ತಿಗಳು

• ಚೆನೈ ಅಂತರಾಷ್ಟ್ರೀಯ ಕಿರುಚಿತ್ರ ಮಂಡಳಿಯ ಪ್ರಶಂಸೆ
• ಮುಂಬೈ,ದೆಹಲಿ ಹಾಗೂ ಅಮೇರಿಕಾ ಕನ್ನಡ ಸಂಘದ ಪ್ರಶಸ್ತಿ
• ೨೦೦೫ರ ಕರ್ನಾಟಕ ರಾಜ್ಯ ಕಾರ್ಯ ನಿರತ ಪತ್ರಕರ್ತ ಸಂಘದ ಪ್ರಶಸ್ತಿ (೨೦೦೫)
• ೨೦೨೫ರ ಕರ್ನಾಟಕ ರಾಜ್ಯ ಕಾರ್ಯನಿರತ ಪತ್ರಕರ್ತರ ಸಂಘದ ಪ್ರಶಸ್ತಿ
• ಅಖಿಲ ಕರ್ನಾಟಕ ಹವ್ಯಕ ಮಹಾಸಭೆಯ ಹವ್ಯಕರತ್ನ ಪ್ರಶಸ್ತಿ
• ಛಾಯಗ್ರಹಣಕ್ಕೆ ಎರಡು ಬಾರಿ ರಾಜ್ಯ ಪ್ರಶಸ್ತಿ