ಮಾಧುರಿ ಬರ್ತ್ವಾಲ್

ಮಾಧುರಿ ಬರ್ತ್ವಾಲ್
ರಾಷ್ಟ್ರೀಯತೆ	ಭಾರತೀಯ
ಶಿಕ್ಷಣ(s)	ಗಾಯಕಿ, ಶಿಕ್ಷಕಿ
ಉದ್ಯೋಗದಾತ	ಆಲ್ ಇಂಡಿಯಾ ರೇಡಿಯೋ
Known for	ಉತ್ತರಾಖಂಡದ ಸಂಗೀತ ಮತ್ತು ನೃತ್ಯ ಎರಡರ ಜಾನಪದ ಸಂರಕ್ಷಣೆ.

ಮಾಧುರಿ ಬರ್ತ್ವಾಲ್ ಇವರು ಭಾರತದ ಉತ್ತರಾಖಂಡದ ಜಾನಪದ ಗಾಯಕಿಯಾಗಿದ್ದು, ಆಲ್ ಇಂಡಿಯಾ ರೇಡಿಯೋದಲ್ಲಿ ಸಂಗೀತ ಸಂಯೋಜಕರಾದ ಮೊದಲ ಮಹಿಳೆಯಾಗಿದ್ದಾರೆ. ಅವರು ಉತ್ತರಾಖಂಡದಿಂದ ಸಂಗೀತ ಶಿಕ್ಷಕಿಯಾದ ಮೊದಲ ಮಹಿಳಾ ಸಂಗೀತಗಾರ ಎಂದು ಹೇಳಲಾಗುತ್ತದೆ. ೨೦೧೯ ರ ಅಂತರರಾಷ್ಟ್ರೀಯ ಮಹಿಳಾ ದಿನದಂದು, ರಾಮ್ ನಾಥ್ ಕೋವಿಂದ್ ಅವರಿಂದ ನಾರಿ ಶಕ್ತಿ ಪುರಸ್ಕಾರವನ್ನು ಪಡೆದರು. ಕಲಾ ಕ್ಷೇತ್ರದಲ್ಲಿ ಭಾರತ ಸರ್ಕಾರವು ೨೦೨೨ ರಲ್ಲಿ, ಭಾರತದ ನಾಲ್ಕನೇ ಅತ್ಯುನ್ನತ ನಾಗರಿಕ ಪ್ರಶಸ್ತಿಯಾದ ಪದ್ಮಶ್ರೀಯನ್ನು ಅವರಿಗೆ ನೀಡಿತು.

ಜೀವನ

ಬರ್ತ್ವಾಲ್ ಅವರ ತಂದೆ ಗಾಯಕ ಮತ್ತು ಸಿತಾರ್ ವಾದಕರಾಗಿದ್ದರು. ಬರ್ತ್ವಾಲ್‌ರವರು ಪದವಿ ಪಡೆದ ನಂತರ ಕಾಲೇಜಿನಲ್ಲಿ ಸಂಗೀತ ಶಿಕ್ಷಕಿಯಾಗಿ ಹಲವಾರು ವರ್ಷಗಳನ್ನು ಕಳೆದರು. ತಮ್ಮ ಬಿಡುವಿನ ವೇಳೆಯಲ್ಲಿ ಅವರು ನಾಜಿಬಾಬಾದ್‌ನಲ್ಲಿ ಆಲ್ ಇಂಡಿಯಾ ರೇಡಿಯೋಗೆ ಸಂಗೀತ ಸಂಯೋಜಿಸುತ್ತಿದ್ದರು. ಅವರು ಉತ್ತರಾಖಂಡದ ಜಾನಪದ ಸಂಗೀತದ ಉತ್ಸಾಹಿ ಬೆಂಬಲಿಗರಾದರು ಮತ್ತು ಅವರು "ಧರೋಹರ್" ಎಂಬ ರೇಡಿಯೋ ಕಾರ್ಯಕ್ರಮವನ್ನು ರಚಿಸಿದರು. ಇದು ಪ್ರದೇಶದ ಪರಂಪರೆ ಮತ್ತು ಅದರ ಜಾನಪದ ಸಂಗೀತಕ್ಕೆ ಸಮರ್ಪಿತವಾಗಿದೆ. ಉತ್ತರಾಖಂಡದಲ್ಲಿ ಬಳಸಲಾಗುವ ಪ್ರತಿಯೊಂದು ಸಂಗೀತ ವಾದ್ಯವನ್ನು ಅವರು ತಿಳಿದಿದ್ದಾರೆಂದು ಹೇಳಲಾಗುತ್ತದೆ. ಅವರು ಇತರ ಸಂಗೀತಗಾರರ ಸಂಗೀತವನ್ನು ದಾಖಲೆ ಮಾಡಲು ಸಹಾಯ ಮಾಡಿದ್ದಾರೆ.

ಶಿಕ್ಷಕಿಯಾಗಿ ಅವರು ಕಲಿಸಿದ ನೂರಾರು ಜನರಲ್ಲಿ ವೃತ್ತಿಪರ ಸಂಗೀತಗಾರರಾಗಲು ಅನೇಕರಿಗೆ ಸ್ಫೂರ್ತಿ ನೀಡಿದ್ದಾರೆ. ಅವರು ತಮ್ಮ ಸಹವರ್ತಿ ಗರ್ವಾಲಿ ಗಾಯಕರಾದ ನರೇಂದ್ರ ಸಿಂಗ್ ನೇಗಿ ಅವರೊಂದಿಗೆ ಹಾಡಿದ್ದಾರೆ.

ಬರ್ತ್ವಾಲ್ ಅವರ ಕೆಲಸವನ್ನು ನಾರಿ ಶಕ್ತಿ ಪುರಸ್ಕಾರದೊಂದಿಗೆ ಗುರುತಿಸಲಾಯಿತು. ಇದನ್ನು ಭಾರತದ ರಾಷ್ಟ್ರಪತಿ ರಾಮ್ ನಾಥ್ ಕೋವಿಂದ್ ಅವರು ಸಂಗೀತ, ಪ್ರಸಾರ ಮತ್ತು ಬೋಧನೆಗೆ ಮೀಸಲಿಟ್ಟ ಅರವತ್ತು ವರ್ಷಗಳನ್ನು ಗುರುತಿಸಿ ಪ್ರದಾನ ಮಾಡಿದರು. ಅವರು ಸಂಗೀತದ ಸಂರಕ್ಷಣೆಗಾಗಿ "ತಮ್ಮ ಜೀವನವನ್ನು ಮುಡಿಪಾಗಿಟ್ಟಿದ್ದರು" ಎಂದು ಉಲ್ಲೇಖಿಸಿದೆ.

೨೦೧೯ ರ ಅಂತರರಾಷ್ಟ್ರೀಯ ಮಹಿಳಾ ದಿನದಂದು ನವದೆಹಲಿಯ ರಾಷ್ಟ್ರಪತಿ ಭವನದಲ್ಲಿ ಪ್ರಶಸ್ತಿ ಪ್ರದಾನ ಸಮಾರಂಭ ನಡೆಯಿತು. ಆ ದಿನ ಸುಮಾರು ನಲವತ್ತು ಮಹಿಳೆಯರು ಪ್ರಶಸ್ತಿಯನ್ನು ಪಡೆದರು ಮತ್ತು ಮೂರು ಪ್ರಶಸ್ತಿಗಳನ್ನು ಗುಂಪುಗಳಿಗೆ ನೀಡಲಾಯಿತು. ಬರ್ತ್ವಾಲ್‌ರವರು ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಸಚಿವೆಯಾದ ಮೇನಕಾ ಗಾಂಧಿ ಮತ್ತು ಪ್ರಶಸ್ತಿ ವಿಜೇತರು ಪ್ರಧಾನಿ ನರೇಂದ್ರ ಮೋದಿಯವರನ್ನು ಭೇಟಿಯಾದರು.