ಯು.ಸಘಾಯಮ್

ಯು. ಸಗಾಯಮ್/ U. Sagayam
Born	3 ಜುಲೈ 1962 ಪುದುಕೋಟೈ, ತಮಿಳುನಾಡು
Nationality	ಭಾರತೀಯ
Occupation	ಸರ್ಕಾರಿ ನೌಕರ

ಉಪಕಾರಪಿಳ್ಳೈ ಸಗಾಯಮ್ ಮೂಲತಃ ತಮಿಳುನಾಡಿನವರು. ಇವರು ದಕ್ಷತೆ ಮತ್ತು ಪ್ರಾಮಾಣಿಕತೆಗೆ ಹೆಸರಾದ ತಮಿಳುನಾಡಿನ ಹಿರಿಯ, ಐ.ಎ.ಎಸ್ ಅಧಿಕಾರಿಯಾಗಿದ್ದಾರೆ. ಐ.ಎ.ಎಸ್ ಅಧಿಕಾರಿಯಾದರೂ ತೀರ ಸಾಮಾನ್ಯ ಜನರಂತೆ ಬದುಕುತ್ತಿದ್ದಾರೆ. ಅಲ್ಲದೆ ತಮಿಳುನಾಡು ಸರ್ಕಾರಕ್ಕೆ ತಮ್ಮ ಆಸ್ತಿಯನ್ನು ಬಹಿರಂಗ ಪಡಿಸಿದ ಮೊಟ್ಟ ಮೊದಲ ಐ.ಎ.ಎಸ್ ಅಧಿಕಾರಿ ಇವರಾಗಿದ್ದಾರೆ.

ಜನನ

ಯು. ಸಗಾಯಮ್ ಹುಟ್ಟಿದ್ದು 3 ಜುಲೈ 1962, ಪುದುಕೋಟೈ, ತಮಿಳುನಾಡಿನಲ್ಲಿ. ಇವರು ಕ್ರಿಶ್ಚಿಯನ್ ಧರ್ಮದವರಾದರೂ ಎಲ್ಲಾ ಧರ್ಮ ಜನರನ್ನು ಪ್ರೀತಿಯಿಂದ ಕಂಡು ಗೌರವಿಸುತ್ತಾರೆ. ಯೇಸುಕ್ರಿಸ್ತರ ಸಾಮಾಜಿಕಸೇವೆಯನ್ನು ತಮ್ಮ ಜೀವನದಲ್ಲಿ ಅಳವಡಿಸಿಕೊಂಡಿದ್ದಾರೆ.

ಶಿಕ್ಷಣ

ಇವರು ತಮಿಳು ಮಾಧ್ಯಮದ ಪಂಚಾಯತ್ ಪ್ರಾಥಮಿಕ ಶಾಲೆಯಲ್ಲಿ ವಿಧಾಭ್ಯಾಸ ಮಾಡಿದರು ಅನಂತರ ಸರ್ಕಾರಿ ಶಾಲೆಯಲ್ಲಿ ಮಾಧ್ಯಮಿಕ ಶಿಕ್ಷಣವನ್ನು ಮುಗಿಸಿದರು.