ವಿಷಯಕ್ಕೆ ಹೋಗು

ಹೆಲ್ಗಾ ಡಿ ಅಲ್ವಿಯರ್

ಕೊಂಡಿಗಳನ್ನು ಸೇರಿಸಿ
ವಿಕಿಪೀಡಿಯದಿಂದ, ಇದು ಮುಕ್ತ ಹಾಗೂ ಸ್ವತಂತ್ರ ವಿಶ್ವಕೋಶ
ಹೆಲ್ಗಾ ಡಿ ಅಲ್ವಿಯರ್

2010ರಲ್ಲಿ ಅಲ್ವಿಯರ್

ಹೆಲ್ಗಾ ಡಿ ಅಲ್ವಿಯರ್ (1936 - 2 ಫೆಬ್ರವರಿ 2025) ಇವರು, ಜರ್ಮನ್-ಸ್ಪ್ಯಾನಿಷ್ ಕಲಾ ಸಂಗ್ರಾಹಕ ಮತ್ತು ಸಮಕಾಲೀನ ಕಲೆಯ ವ್ಯಾಪಾರಿಯಾಗಿದ್ದವರು. ಇವರು 2010 ರಲ್ಲಿ ಸ್ಪೇನ್ ನ ಕ್ಯಾಸೆರೆಸ್ ನಲ್ಲಿ ಮ್ಯೂಸಿಯಂ ಆಫ್ ಕಂಟೆಂಪರರಿ ಆರ್ಟ್ ಹೆಲ್ಗಾ ಡಿ ಅಲ್ವಿಯರ್ ನ್ನು ಸ್ಥಾಪಿಸಿದರು.

ಹಿನ್ನೆಲೆ

[ಬದಲಾಯಿಸಿ]

ಹೆಲ್ಗಾ ಮುಲ್ಲರ್ ಶಾಟ್ಜೆಲ್[೧] ಕಿರ್ನ್, ನಾಜಿ ಜರ್ಮನಿಯಲ್ಲಿ 1936 ರಲ್ಲಿ ಜನಿಸಿದರು. (ಈಗಿನ ರೈನ್ ಲ್ಯಾಂಡ್-ಪ್ಯಾಲಟಿನೇಟ್).[೨] ಅವರು ಕಾನ್ಸ್ಟಾನ್ಸ್ ಸರೋವರದ ಬಳಿಯ ಶುಲೆ ಸ್ಕ್ಲೋಸ್ ಸೇಲಂ ಬೋರ್ಡಿಂಗ್ ಶಾಲೆಗೆ ಸೇರಿದರು,[೧]: 57  ಮತ್ತು ತರುವಾಯ ಫ್ರೆಂಚ್ ಕಲಿಯಲು ಲೌಸಾನ್ ಮತ್ತು ಜಿನೀವಾದಲ್ಲಿ ಅಧ್ಯಯನವನ್ನು ಮಾಡಿದರು. ನಂತರ ಅವರು ಲಂಡನ್ನಲ್ಲಿ ಒಂದು ವರ್ಷ ತಮ್ಮ ಅಧ್ಯಯನವನ್ನು ಮುಂದುವರೆಸಿದರು.[೧]

1957 ರಲ್ಲಿ, ಅವರು ಸ್ಪ್ಯಾನಿಷ್ ಕಲಿಯಲು ಸ್ಪೇನ್ ಗೆ ಪ್ರಯಾಣಿಸಿದರು;ಅಲ್ಲಿ ಅವರು ಜೈಮ್ ಡಿ ಅಲ್ವಾರ್ ರನ್ನು ಭೇಟಿಯಾದರು.[೨][೩] ಇಬ್ಬರು 1959ರಲ್ಲಿ ವಿವಾಹ ಜೀವನಕ್ಕೆ ಕಾಲಿರಿಸಿದರು ಮತ್ತು ಮ್ಯಾಡ್ರಿಡ್ನಲ್ಲಿ ವಾಸಿಸುತ್ತಿದ್ದರು.[೩]: 61 

ವೃತ್ತಿಜೀವನ

[ಬದಲಾಯಿಸಿ]

ಆರಂಭದ ದಿನಗಳಲ್ಲಿ

[ಬದಲಾಯಿಸಿ]

ಹೆಲ್ಗಾ ತನ್ನ ಪತಿ ಡಿ ಅಲ್ವಾರ್ ಅವರನ್ನು ಮ್ಯಾಡ್ರಿಡ್ ಕಲಾ ದೃಶ್ಯಕ್ಕೆ ಪರಿಚಯಿಸಿದರು. ಫ್ರಾಂಕೊ ಆಳ್ವಿಕೆಯಲ್ಲಿ ಅವರು ಕಲಾವಿದರೊಂದಿಗೆ ಸಂಪರ್ಕವನ್ನು ಹೊಂದಿದ್ದರು ಮತ್ತು ಈ ಸಂಪರ್ಕಗಳ ಮೂಲಕ, ಅವರು ಕಲೆಯನ್ನು ಸಂಗ್ರಹಿಸಲು ಪ್ರಾರಂಭಿಸಿದರು.[೨] ಇವರು ಕುಯೆಂಕಾ ತಂಡದ ಮತ್ತು ಎಲ್ ಪಾಸೋ ತಂಡದ ಕಲಾವಿದರೊಂದಿಗೆ ಸಂಪರ್ಕಕ್ಕೆ ಬಂದರು. ಜನವರಿ 1980 ರಲ್ಲಿ, ಅವರು ಜುವಾನಾ ಮೊರ್ಡೊದಲ್ಲಿ ಕೆಲಸ ಮಾಡಲು ಪ್ರಾರಂಭಿಸಿದರು, ಅಲ್ಲಿ ಅವರು ಅಂತರರಾಷ್ಟ್ರೀಯ ಕಲಾ ದೃಶ್ಯದ ಬಗ್ಗೆ ತಮ್ಮ ಜ್ಞಾನವನ್ನು ಹೆಚ್ಚ್ರಿಸಿದರು.[೩] ತರುವಾಯ, ಅವರು 1982 ರಲ್ಲಿ (ARCO)ಆರ್ಕೊ ಎಂಬ ಅಂತರರಾಷ್ಟ್ರೀಯ ಕಲಾ ಮೇಳವನ್ನು ಸ್ಥಾಪಿಸುವಲ್ಲಿ ತಮ್ಮನ್ನು ತಾವು ತೊಡಗಿಸಿಕೊಂಡರು, ಇದು ಅಂತರರಾಷ್ಟ್ರೀಯ ಸಮಕಾಲೀನ ಕಲಾ ದೃಶ್ಯದಲ್ಲಿ ಸ್ಪೇನ್ ನ ಪಾಲ್ಗೊಳ್ಳುವಿಕೆಯನ್ನು ಹೆಚ್ಚಿಸಿತು.[೨] ಮೊರ್ಡೊ ಅವರು 1984 ರಲ್ಲಿ ನಿಧನರಾದಾಗ, ಅವರ ಗ್ಯಾಲರಿಯನ್ನು ಹೆಲ್ಗಾ ವಹಿಸಿಕೊಂಡರು ಮತ್ತು ಮುಂದಿನ 10 ವರ್ಷಗಳಲ್ಲಿ, ತಮ್ಮ ಮಾರ್ಗದರ್ಶಕರ ಕಲಾತ್ಮಕ ಮತ್ತು ವೃತ್ತಿಪರ ಹೆಜ್ಜೆಗಳನ್ನು ಅನುಸರಿಸುವುದನ್ನು ಮುಂದುವರೆಸಿದರು.[೩]

ಗ್ಯಾಲೆರಿಯಾ ಹೆಲ್ಗಾ ಡಿ ಅಲ್ವಾರ್

[ಬದಲಾಯಿಸಿ]

1995 ರಲ್ಲಿ, ಡಿ ಅಲ್ವೀರ್ ಮ್ಯೂಸಿಯೊ ನ್ಯಾಸಿಯೋನಲ್ ಸೆಂಟ್ರೊ ಡಿ ಆರ್ಟೆ ರೀನಾ ಸೋಫಿಯಾ ಮ್ಯೂಸಿಯಂನ ಪಕ್ಕದಲ್ಲಿ 900 ಚದರ ಮೀಟರ್ ಗಿಂತ ಹೆಚ್ಚು ಅಳತೆಯ ಜಾಗದಲ್ಲಿ ತನ್ನ ಹೆಸರಿನಲ್ಲಿ ತನ್ನದೇ ಆದ ಗ್ಯಾಲೆರಿಯಾ ಹೆಲ್ಗಾ ಡಿ ಅಲ್ವಾರ್ ಹೆಸರಿನ ಗ್ಯಾಲರಿಯನ್ನು ತೆರೆದರು.[೨] ಇವರ ಅನೇಕ ಯೋಜನೆಗಳು ಛಾಯಾಗ್ರಹಣ, ವೀಡಿಯೊ ಮತ್ತು ಅನುಸ್ಥಾಪನೆಗೆ ವಿಶೇಷ ಒತ್ತು ನೀಡುವ ಮೂಲಕ ಅಂತರರಾಷ್ಟ್ರೀಯ ಸಮಕಾಲೀನ ಕಲೆಯನ್ನು ಮುನ್ನಡೆಸಿದವು, ಈ ಮಾಧ್ಯಮಗಳು ಸ್ಪೇನ್ನಲ್ಲಿ ಪ್ರಾಯೋಗಿಕವಾಗಿ ತಿಳಿದಿಲ್ಲದ ಸಮಯದಲ್ಲಿ, ಇವರ ಗ್ಯಾಲರಿ ಸ್ಪ್ಯಾನಿಷ್ ದೃಶ್ಯದಲ್ಲಿ ಅತ್ಯುತ್ತಮವಾಗಿ ಸ್ಥಾಪಿತವಾದ ಮತ್ತು ದೀರ್ಘಕಾಲ ನಡೆಯುವ ಕಲಾ ಗ್ಯಾಲರಿಗಳಲ್ಲಿ ಒಂದಾಗಿದೆ ಮತ್ತು ಅಂತರರಾಷ್ಟ್ರೀಯ ಮೆಚ್ಚುಗೆಯನ್ನು ಗಳಿಸಿದೆ.[೩] ಗ್ಯಾಲರಿಯಲ್ಲಿ ಏಂಜೆಲಾ ಬುಲ್ಲೋಚ್ [೪] ಥಾಮಸ್ ಡಿಮಾಂಡ್,[೪] ಎಲ್ಮ್ ಗ್ರೀನ್ & ಡ್ರ್ಯಾಗ್ಸೆಟ್[೫] ಆಕ್ಸೆಲ್ ಹುಟ್ಟೆ,[೬] ಐಜಾಕ್ ಜುಲಿಯನ್,[೬] ಇಮಿ ಕ್ನೋಬೆಲ್,[೬] ಕರಿನ್ ಸ್ಯಾಂಡೆಲ್[೬] ಮತ್ತು ಸ್ಯಾಂಟಿಯಾಗೊ ಸಿಯೆರಾ.[೬]ಸೇರಿದಂತೆ ಇನ್ನಷ್ಟು ಕಲಾವಿದರ ಕೃತಿಗಳನ್ನು ಪ್ರಸ್ತುತಪಡಿಸಲಾಗಿದೆ.

ಸಮಕಾಲೀನ ಕಲೆಯ ವಸ್ತುಸಂಗ್ರಹಾಲಯ ಹೆಲ್ಗಾ ಡಿ ಅಲ್ವಾರ್

[ಬದಲಾಯಿಸಿ]

ಸ್ಪ್ಯಾನಿಷ್ ಮತ್ತು ಅಂತರರಾಷ್ಟ್ರೀಯ ಕಲಾವಿದರ 3,000 ಕ್ಕೂ ಹೆಚ್ಚು ತುಣುಕುಗಳನ್ನು ಒಳಗೊಂಡಂತೆ ಡಿ ಅಲ್ವಿಯರ್ ಅವರ ಸಂಗ್ರಹವು 2006 ರಿಂದ ಎಕ್ಸ್ಟ್ರೀಮಡುರಾ ಸರ್ಕಾರದ ಜಂಟಿ ಉಪಕ್ರಮದಲ್ಲಿ ಫಂಡಾಸಿಯಾನ್ ಹೆಲ್ಗಾ ಡಿ ಅಲ್ವಿಯರ್ನ ಭಾಗವಾಯಿತು. ಕಾಸಾಗ್ರಾಂಡೆ ಎಂದು ಕರೆಯಲ್ಪಡುವ 20 ನೇ ಶತಮಾನದ ಆರಂಭಿಕ ಕಟ್ಟಡವನ್ನು ಆಧರಿಸಿದ ಫಂಡಾಸಿಯಾನ್ ಹೆಲ್ಗಾ ಡಿ ಅಲ್ವಿಯರ್ ವಿಷುಯಲ್ ಆರ್ಟ್ಸ್ ಸೆಂಟರ್ ನ ಮೊದಲ ಹಂತವು ಸ್ಪೇನ್ ನ ಕ್ಯಾಸೆರೆಸ್ ನ ಐತಿಹಾಸಿಕ ಕ್ವಾರ್ಟರ್ 2010 ರಲ್ಲಿ ತೆರೆಯಲ್ಪಟ್ಟಿತು..[೭][೮] 2015 ರಲ್ಲಿ, ಸ್ಪ್ಯಾನಿಷ್ ವಾಸ್ತುಶಿಲ್ಪಿಗಳಾದ ಮನ್ಸಿಲ್ಲಾ ಮತ್ತು ಟ್ಯೂನಾನ್ ವಾಸ್ತುಶಿಲ್ಪಿಗಳು 8,000 ಚದರ ಮೀಟರ್ ಅನೆಕ್ಸ್ ಕಟ್ಟಡವನ್ನು ನಿರ್ಮಿಸಿದರು, ಇದನ್ನು 25 ಫೆಬ್ರವರಿ 2021 ರಂದು ಉದ್ಘಾಟಿಸಲಾಯಿತು. ನಂತರ ವಸ್ತುಸಂಗ್ರಹಾಲಯದ ಹೆಸರನ್ನು ಸಮಕಾಲೀನ ಕಲೆಯ ವಸ್ತುಸಂಗ್ರಹಾಲಯ ಹೆಲ್ಗಾ ಡಿ ಅಲ್ವಿಯರ್ ಎಂದು ಬದಲಾಯಿಸಲಾಯಿತು. [೨][೭] ಹೊಸ ವಸ್ತುಸಂಗ್ರಹಾಲಯದ ವೆಚ್ಚವು ಸುಮಾರು € 10 ಮಿಲಿಯನ್ ಆಗಿದ್ದು, ಅರ್ಧದಷ್ಟು ಹಣವು ಡಿ ಅಲ್ವಾರ್ ನಿಂದ ಮತ್ತು ಅರ್ಧದಷ್ಟು ಎಕ್ಸ್ ಟ್ರೆಮಡುರಾದಲ್ಲಿನ ಸಂಸ್ಥೆಗಳಿಂದ ಬಂದಿದೆ.[೭] ಕಲೆಯ ಬಗ್ಗೆ ಸಾರ್ವಜನಿಕ ಜಾಗೃತಿಗೆ ಕೊಡುಗೆ ನೀಡುವುದು ಸಂಗ್ರಹದ ಉದ್ದೇಶವಾಗಿದೆ, ಮತ್ತು ಇದು ಆಗಾಗ್ಗೆ ಪ್ರಪಂಚದಾದ್ಯಂತದ ಸಂಸ್ಥೆಗಳಿಗೆ ಕೃತಿಗಳನ್ನು ನೀಡುತ್ತದೆ. ಇದಲ್ಲದೆ, ಇದು ಹಲವಾರು ಆಳವಾದ ಪ್ರದರ್ಶನಗಳ ವಿಷಯವಾಗಿದೆ.[೮] 2021 ರ ಹೊತ್ತಿಗೆ, ವಸ್ತುಸಂಗ್ರಹಾಲಯವು ಸುಮಾರು 200 ಕೃತಿಗಳ ಆಯ್ಕೆಯನ್ನು ಪ್ರಸ್ತುತಪಡಿಸುತ್ತದೆ, ಡಿ ಅಲ್ವಿಯರ್ ಅವರ ಸಂಗ್ರಹದ ಸುಮಾರು 5%, ವರ್ಣಚಿತ್ರಗಳು, ಶಿಲ್ಪಗಳು, ಛಾಯಾಚಿತ್ರಗಳು, ವೀಡಿಯೊ ಕಲೆ, ರೇಖಾಚಿತ್ರಗಳು ಮತ್ತು 500 ಕ್ಕೂ ಹೆಚ್ಚು ಅಂತರರಾಷ್ಟ್ರೀಯ ಕಲಾವಿದರ ಸ್ಥಾಪನೆಗಳು ಸೇರಿವೆ.[೮] ಅರೆ-ಶಾಶ್ವತ ಪ್ರದರ್ಶನವು ಸಾರ್ವಜನಿಕರಿಗೆ ಜೋಸೆಫ್ ಆಲ್ಬರ್ಸ್, ಜೋಸೆಫ್ ಬ್ಯೂಸ್, ಡಾನ್ ಫ್ಲಾವಿನ್, ನ್ಯಾನ್ ಗೋಲ್ಡಿನ್, ಜೆನ್ನಿ ಹೋಲ್ಜರ್, ಅನೀಶ್ ಕಪೂರ್, ಪಾಲ್ ಕ್ಲೀ, ಗಾರ್ಡನ್ ಮಟ್ಟಾ-ಕ್ಲಾರ್ಕ್ ಮತ್ತು ಫಿಲಿಪ್ ಪ್ಯಾರೆನೊ ಅವರ ಕೃತಿಗಳನ್ನು ಅನ್ವೇಷಿಸಲು ಅನುವು ಮಾಡಿಕೊಡುತ್ತದೆ.[೮] ಇದು ಲೂಯಿಸ್ ಬೂರ್ಜ್ವಾ, ವಾಸ್ಸಿಲಿ ಕ್ಯಾಂಡಿನ್ಸ್ಕಿ, ಕಾರ್ಮೆನ್ ಲಾಫಾನ್, ರಾಬರ್ಟ್ ಮದರ್ವೆಲ್, ಪಾಬ್ಲೊ ಪಿಕಾಸೊ, ಆಂಟೋನಿ ಟಾಪಿಸ್, ಮತ್ತು ಐ ವೀವೀ, ಇತರರ ಕಲಾಕೃತಿಗಳನ್ನು ಸಹ ಹೊಂದಿದೆ. ಇದಲ್ಲದೆ, ವಸ್ತುಸಂಗ್ರಹಾಲಯವು ಉಗೊ ರೊಂಡಿನೋನ್ ಅವರ ನೂರು ವರ್ಷ ಹಳೆಯ ಆಲಿವ್ ಮರದ ಶಿಲ್ಪವನ್ನು ಒಳಗೊಂಡ ಹೊರಾಂಗಣ ಉದ್ಯಾನವನ್ನು ಹೊಂದಿದೆ ಮತ್ತು ನವೀಕರಿಸಿದ ಕಾಸಾ ಗ್ರಾಂಡೆಯಲ್ಲಿರುವ ಮಾಜಿ ಹೆಲ್ಗಾ ಡಿ ಅಲ್ವಿಯರ್ ದೃಶ್ಯ ಕಲಾ ಕೇಂದ್ರದ ಸೌಲಭ್ಯಗಳೊಂದಿಗೆ ಸಂಪರ್ಕ ಹೊಂದಿದೆ.[೮]

ವೈಯಕ್ತಿಕ ಜೀವನ ಮತ್ತು ಇತರ ಚಟುವಟಿಕೆಗಳು

[ಬದಲಾಯಿಸಿ]

ಹೆಲ್ಗಾ ಡಿ ಅಲ್ವಾರ್ 1959 ರಿಂದ ಜೈಮ್ ಡಿ ಅಲ್ವಾರ್ ಅವರನ್ನು ವಿವಾಹವಾದರು. ದಂಪತಿಗಳು ಮ್ಯಾಡ್ರಿಡ್ನಲ್ಲಿ ವಾಸಿಸುತ್ತಿದ್ದರು ಮತ್ತು ಮಾರಿಯಾ, ಅನಾ ಮತ್ತು ಪ್ಯಾಟ್ರೀಷಿಯಾ ಎಂಬ ಮೂವರು ಮಕ್ಕಳನ್ನು ಹೊಂದಿದ್ದರು.[೩] ಸ್ಪೇನ್ನಲ್ಲಿ ಕೋವಿಡ್ -19 ಸಾಂಕ್ರಾಮಿಕ ರೋಗದ ಮಧ್ಯೆ, ಡಿ ಅಲ್ವಾರ್ ಲಸಿಕೆಗಾಗಿ ಸಂಶೋಧನೆಗಾಗಿ 1 ಮಿಲಿಯನ್ ಯುರೋ (ಸುಮಾರು 1.1 ಮಿಲಿಯನ್ ಡಾಲರ್) ದೇಣಿಗೆ ನೀಡಿದ್ದರು. ಸ್ಪ್ಯಾನಿಷ್ ನ್ಯಾಷನಲ್ ರಿಸರ್ಚ್ ಕೌನ್ಸಿಲ್ (ಸಿಎಸ್ಐಸಿ) ನ ವೈರಾಲಜಿಸ್ಟ್ ಲೂಯಿಸ್ ಎಂಜುವಾನ್ಸ್ ನಡೆಸಿದ ವೈಜ್ಞಾನಿಕ ಕೆಲಸಗಳಿಗೆ ಹಣವನ್ನು ಉಪಯೋಗಿಸಲಾಯಿತು.[೯] ಡಿ ಅಲ್ವಾರ್ ಫೆಬ್ರವರಿ 2, 2025 ರಂದು ಮ್ಯಾಡ್ರಿಡ್ನಲ್ಲಿ ತಮ್ಮ 88 ನೇ ವಯಸ್ಸಿನಲ್ಲಿ ನಿಧನರಾದರು.[೨][೩][೧೦]

ಗುರುತಿಸುವಿಕೆಗಳು

[ಬದಲಾಯಿಸಿ]

ಹೆಲ್ಗಾ ಡಿ ಅಲ್ವಿಯರ್ ಅವರಿಗೆ 2007 ರಲ್ಲಿ ಮೆಡಲ್ ಆಫ್ ಎಕ್ಸ್ಟ್ರೀಮಡುರಾ, 2008 ರಲ್ಲಿ ಸ್ಪ್ಯಾನಿಷ್ ಸಂಸ್ಕೃತಿ ಸಚಿವಾಲಯವು ನೀಡಿದ ಲಲಿತಕಲೆಗಳಲ್ಲಿ ಚಿನ್ನದ ಪದಕ, 2011 ರಲ್ಲಿ ಕ್ಯಾಸೆರೆಸ್ ಪದಕ ಮತ್ತು 2012 ರಲ್ಲಿ ಕಲೆಕ್ಟರ್ ವಿಭಾಗದಲ್ಲಿ ಫಂಡಾಸಿಯಾನ್ ಆರ್ಟೆ ವೈ ಮೆಸೆನಾಜ್ಗೊ ಪ್ರಶಸ್ತಿಯನ್ನು ನೀಡಲಾಯಿತು.[೧೧][೧೨] ಅವರು 2020 ರಲ್ಲಿ ಮ್ಯಾಡ್ರಿಡ್‌ನಿಂದ ಮೆಡಲ್ಲಾ ಇಂಟರ್ನ್ಯಾಷನಲ್ ಡಿ ಲಾಸ್ ಆರ್ಟೆಸ್ ಅನ್ನು ಪಡೆದರು[೧೩]

ಉಲ್ಲೇಖಗಳು

[ಬದಲಾಯಿಸಿ]
  1. ↑ ೧.೦ ೧.೧ ೧.೨ Lasso, Javier Remedios (2015). Helga de Alvear. Los cimientos de una gran collección (PDF) (Thesis) (in ಸ್ಪ್ಯಾನಿಷ್). University of Extremadura. p. 55. Retrieved 3 February 2025.
  2. ↑ ೨.೦ ೨.೧ ೨.೨ ೨.೩ ೨.೪ ೨.೫ ೨.೬ Rößler, Hans-Christian (3 February 2025). "Eine Traumkarriere". FAZ (in ಜರ್ಮನ್). Retrieved 6 February 2025.
  3. ↑ ೩.೦ ೩.೧ ೩.೨ ೩.೩ ೩.೪ ೩.೫ ೩.೬ "Muere la galerista Helga de Alvear a los 88 años de edad". RTVE (in ಸ್ಪ್ಯಾನಿಷ್). 3 February 2025. Retrieved 7 February 2025.
  4. ↑ ೪.೦ ೪.೧ Brown, Kate (11 February 2021), A Wholly Revamped Museum Will Open in Spain to House the Contemporary Art Collection of Dealer Helga de Alvear Artnet.
  5. ↑ Greenberger, Alex (29 June 2020). "Pace Gallery Takes on Elmgreen & Dragset, Beloved Duo Behind Prankish Sculputres". ARTnews.
  6. ↑ ೬.೦ ೬.೧ ೬.೨ ೬.೩ ೬.೪ Robin Cembalest (1 January 2010), A Dealer With Ideas ARTnews.
  7. ↑ ೭.೦ ೭.೧ ೭.೨ "From Goya to Goldin: new museum puts Spanish city of Cáceres on the art world map". The Art Newspaper – International art news and events. 25 February 2021. Retrieved 11 May 2023.
  8. ↑ ೮.೦ ೮.೧ ೮.೨ ೮.೩ ೮.೪ Lomholt, Isabelle (26 February 2021). "Helga De Alvear Art Museum, Cáceres". e-architect (in ಇಂಗ್ಲಿಷ್). Retrieved 26 February 2021.
  9. ↑ "La galerista Helga de Alvear apoya con un millón de euros el trabajo del equipo del virólogo Luis Enjuanes en la investigación de la covid-19". The Art Newspaper – International art news and events. 29 April 2020. Archived from the original on 8 August 2021. Spanish National Research Council (CSIC)
  10. ↑ García, Ángeles (3 February 2025). "Muere Helga de Alvear, galerista y coleccionista fundamental del arte en España, a los 88 años". El País (in ಸ್ಪ್ಯಾನಿಷ್). Retrieved 3 February 2025.
  11. ↑ Kügler, Clementine (19 January 2024). "Portugal ehrt Galeristin Helga de Alvear". FAZ (in ಜರ್ಮನ್). Retrieved 6 February 2025.
  12. ↑ "La Fundación Arte y Mecenazgo entrega en CaixaForum Madrid sus premios 2012 a Elena Asins, Soledad Lorenzo y Helga de Alvear". Fundacion la Caixa (in ಸ್ಪ್ಯಾನಿಷ್). 12 March 2023. Retrieved 12 July 2023.
  13. ↑ "Helga de Alvear, Medalla Internacional de las Artes" (in ಸ್ಪ್ಯಾನಿಷ್). 25 November 2020. Retrieved 12 July 2023.


ಮತ್ತಷ್ಟು ಓದುವಿಕೆಗೆ

[ಬದಲಾಯಿಸಿ]
  • Obrist, Hans Ulrich (ed.). Conversations in Cáceres with Hans Ulrich Obrist. Cáceres: Centro de Artes Visuales Fundación Helga de Alvear, 2012. ISBN 978-84-934916-3-5
  • Wyss, Kurt. Looking back at Art Basel. Basel: Schwabe AG Verlag, 2009. ISBN 978-3-7965-2604-6
  • Hertatt, Claudia. Women Gallerists in the 20th and 21st Centuries. Ostfildern: Hatje Cantz Verlaj, 2008. ISBN 978-3-7757-1975-9
  • Benhamou-Huet, Judith. Global Collectors/Collectionneurs du monde. Prologue by Samuel Keller. Paris: Éditions Phébus, 2008; Bordeaux: Éditions Cinq Sens, 2008. 478 p. ISBN 978-2-75-290328-0.

ಬಾಹ್ಯ ಕೊಂಡಿಗಳು

[ಬದಲಾಯಿಸಿ]
"https://kn.wikipedia.org/w/index.php?title=ಹೆಲ್ಗಾ_ಡಿ_ಅಲ್ವಿಯರ್&oldid=1283643" ಇಂದ ಪಡೆಯಲ್ಪಟ್ಟಿದೆ